مصرية بتكلم بلدها
مصرية بتكلم بلدها
انا عشت كتيييييير في مصرعشان اكون واضحة 9 سنين بالزبت في مصر وعرفاها بزحمتها و بشورعها و بحرميتها واخيرا واخرا وبرئيسها اللي فيه كل العبر، مش عايزة اقول اكتر من كده طب انا عايزة اسأل سوأل هو انت بتحب مصر ، طب لو بتحب مصر بتحبها ليه ولو مبتحبهاش ليه مبحبحبهاش ؟؟؟؟؟؟؟؟؟؟
هل في حد بيحب مصر عشلان شورعها او زحمتها ؟؟؟؟؟؟
انا عن نفسي بحبها عشان اهلها
انا عن نفسي بحبها عشان اهلها
Posted by Boba at 1:23 PM::
--------------------oOo--------------------
16 Comments:
يا حبيبة ايه الجمال ده ...
ده أحلي بوست
المهم بس انا نفسي الناس تدخل و تجاوب على سؤالك الصعب اوي :
ليه بنحبها و ليه ما بنحباش
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنا زيك بالضبط بحبها لاهلها و دفء مشاعرهم و حلاوة روحهم و جمال أحساسيهم .
يااااه بصي يا بنتي ربنا عادل اوي اوي
علشان يكون فيه عدل في الدنيا مفيش مكان كله ايجابيات و مفيش مكان كله سلبيات
المكان اللي فيه الناس الطيبة ما فيهوش هدوء و وأمان و نظام و العكس
يعني اهو شوية فلسفة علشان بس نجاريك في كلامك الكبير
ماما
عارفه بقه انا بحبها ليه
عشان فيها ناس حلوين زيك :)
امز
انا عارفة من زمان ان انت بتحبيها عشان الناس الحلوين بس اول مرة اعرف ان انا حلوة اوي كده
ماما
هو سوأل صعب اوي كده ؟؟
على موضوع العدل
يعني قطر فيها هدوء وامان ونظام وكل حاجة وفيها ناس طيبين بس مش كل الناس ومصر مكان في ازعاج وكل ما تتخيلي من حرامية وزحمة بس مننكرش ان فيها ناس طيبين اكتر شوية من قطر
=)
علي الرغم من كل حاجة في البلد دي علي رايك.. الا اننا لسه بنحبها
سبحان الله
This comment has been removed by a blog administrator.
dead man
هيا دي مصر فيها كل حاجة الا ناقصها بس ان الناس تحبها
=)
ههههههههههه
والله يا حبيبه انتى عسل
ومتفقه مع ماما ان السؤال صعب جدا
بس انا هقولك على قد ما اقدر انا بحبها ليه
زمان وانا قدك بالزبت ( بالظبط) كنت مسافره برضه مع بابا وماما واخواتى بره مصر
كنت فرحانه قوى وانا مسافره وعماله اقول لاصحابى كلهم
لما سافرت حسيت انهم وحشونى قوى قوى
على الرغم انى كان ليا اصحاب كتير قوى فى البلد الى سافرناها وكانوا بيحبونى جدا حتى غير حبهم لبقيت المصريات كانوا مستغربين انى ازاى مصريه ويحبونى بالشكل ده وكانوا بيجيبولى هدايا ويفسحونى ويلعبوا معايا ومع ذلك انا كنت حاسه انى اصحابى فى مصر وحشنى رغم اننا عمرنا ما عملنا مع بعض زى ما اصحابى فى البلد الغريبه دى بيعملوامعايا
بس كان وحشنى اللعب فى الشارع معاهم وواشحنى عم ابو راضى اللى كان بيجيبلى الحاجات الحلوه اول باول واروح اجرى اشتريها منه
رغم ان العيال فى الشارع كانوا ساعات بيضربونى وفيه حراميه زى ما بتقولى
الا انى برضه كل ده كان واحشنى قوى
كان وحشنى كمان لمتنا فى العيد ولما اروح اعيد على قرايبنا كلهم ويدونى العيديه
وفى رمضان لما نفطر كلنا سوا ونطلع مع العيال فى الشارع بالفوانيس
عرفتى ليه انا بحبها
لانى بحب ناسها
مصر حلوه بناسها الحلوين اللى زيك ياقمر واللى خلتينى مبسوطه اوى اوى اوى لما زرتينى وجيت اشوف مدونتك ومت على نفسى من الضحك وحاسه انى بكلم اختى الصغيره اللى فرحانه بيها اوى
يلا انا طولت عليكى
سلامى لماما وليكى ياقمر ومتخليش المدونه تلهيكى عن المذاكره
عوزاكى دكتوره اشطر منى
ولا انتى عاوزه تبقى ايه؟؟؟
نورت البلوج
فعلا مظنش ان في ناس بتحبهبا عشان حاجة تانية غير ناسها و عيدها رمضانها و زينتها بفرحتها
هنا العيد مفيهوش اي طعم مبحسش ان ده عيد
انا نفسي ادرس دكتوراه
=)
يمكن ده الحاجات الواضحة جواك ناحيتها
عشان كده هي ده الحاجات اللي قادرة تشوفيها
أنا مثلا بحب مصر ليه
عشان هي أكتر مكان في الدنيا بحسه بتاعي و يخصني
بحبها عشان عشت فيها مشاعر كتييير
بحبها عشان ناسها هم الوحيدين بحس انهم ناسي و مني
بحب تاريخها
و جغرافيتها
مش عارفة يا بوبا
بس البوست بتاعك ده رائع
و بيفتح الكلام في مشاعر مهمة جدا.. نادر ما حد في سنك بيفكر فيها
إوعي زعلي على التأخير عشان كان غصب عني جددددا
أما باقي البوستات اللي فاتتني فأنا مستنية وقت فاضي و أشوف اللي فاتني بالذات الرسمة الجميلة اللي تحت ده
ازعل ازاي من هنوتي
يعني هوا .... انا بحب اماكن مفيش منها فمصر كتير بس الاكترية للناس و ممكن رأي الناس ان انا لسه معشتش بيها كتير عشان كده مبحبهاش !!!!!
وانا متفقة معاك ان نادر حد ادي يكتب كلام زي ده بس انا بحس فعلا ان انا بعرف حجات و صحابي الي فالمرسة مبيعرفوهاش بتجنن لانها بتكوون في حاجات كتيرة اوي
تحياتي
لا ما تجننيش ولا حاجة
بالعكس
افرحي
عشان الانسان اللي دايما يفكر في كل حاجةحواليه
ويكتشف معاني جميلة
أو حتى يسأل أي حد عشان يساعده فيكتشف حاجات جديده
ده انسان مميز
ونقدر نتوقعله انه مش حايكون زي أي حد
كبر واتعلم و خلاص
ما تتجننييييش
:)
اصل هيا بتحصل كتييييييييييييييييييييير اوي فحجات كتييييييييييييييييييييير اوي زي
( facebook )
حاجة اسمها بلوج مسمعوش عنها قبل كده ......
الله الله بجد بوست رائع وعلى فكره ده اسم مدونتى انا عامل المدونه فى حب مصر وانا بحبها بحبها زى ما هيه بقسوتها وبحنيتها بكل ما فيها بس فى حاجه مش بحب رئيسها اه والله مش بحبه لانى بحس انه مش بيحب مصر لو بيحبها مكنتش دى طريقته فى حكمها حب مصر بتهيألى مش محتاج سبب لا ده احنا بنتولد بيه ويارب الكل يحبها زينا كده
نورت البلوج
وانا كمان بحب مصر اوييييييييييييييييي الى و استغفر الله من رئيسها وكل سنة وانت طيب
Post a Comment
<< Home